Jumanne, 2 Septemba 2014
Usiku wa jana klabu ya Manchester United ilikamilisha usajili wa
mshambuliaji wa kimataifa wa Colombia, Radamel Falcao kwa mkopo.
Falcao ambaye alikuwa akiwindwa na vilabu vya Arsenal na Man City
amejiunga na Man U akitokea klabu ya Monaco ambayo alijiunga nayo
akitokea Atletico Madrid.
Usajili wa mchezaji umezungumzia na watu wengi mmoja wao ni mchezaji bora wa ulaya na dunia – Cristiano Ronaldo.
Akiongea jijini Madrid Ronaldo alisema: ‘Falcao ni mchezaji mzuri
sana, nadhani Manchester United wamefanya jambo zuri kumsajili. Sidhani
kabisa kama ni mchezaji asiyewafaa, ni mchezaji wa daraja la dunia na
hivyo naamini huu usajili mzuri.”
